Сочно месо во бел крем-сос… Уживајте во вкусот на јадењето за чија подготовка не ви е потребно многу време.
Состојки:
- 350 г свинско или телешко филе
- 200 гр печурки
- 1 дл млеко
- ½ дл неутрална павлака
- 1 супена лажица кисела павлака
- сол, бибер, вегета
Подготовка:
Месото исечкајте го на кругови, исчукајте го и посолете. Така приготвено во подлабок сад пропржете го на масло од двете страни. Кога ќе биде полупржено додадете ги исечканите печурки. Додадете млеко, неутрална павлака и оставете на тивок оган да се соедини уште петнаесетина минути. Сервирајте во чинија и украсете по желба.
Напомена: Свинските или телешки шницли може да ги замените со пилешко или мисиркино бело месо.
