Кан е повторно главен град на филмот, по 74-ми пат. Иако требаше да биде во мај, фестивалот беше официјално отворен на 6 јули, и ќе трае до 17 јули.
И бидејќи овој фестивал е место за средби на филмот и другите елити, црвениот тепих е вистинско модно уживање за гледачите и критичарите. По минатогодишното откажување на најпрестижниот филмски настан во Кан, оваа година на најпознатите дами им се даде можност да прошетаат по црвениот тепих и да го покажат сиот сјај на високата мода.
Како и секоја година, славните светски sвезди даваат се од себе да заблескаат во елегантни, а слободно можеме да кажеме и екстравагантни модели на фустани, кои сигурно ќе го привлечат вниманието на модните критичари.
Оскаровката Хелен Мирен ги воодушеви сите со својот стајлинг и за оваа пригода ја одбра „Долче и Габана“ во светло жолт фустан и салонки во иста боја, а целиот изглед го збогати со ефективен накит со зелени кристали.
За разлика од Хелен, нејзината помлада колешка, црвенокосата убавица Џесика Честеин, носеше црн фустан „Диор“, малку прозирен, а сепак многу елегантен и ги засени сите присутни. Сето тоа го зачини со скап накит „Chopard“.
Поранешната прва дама Карла Бруни, сопругата на поранешниот француски претседател Никола Саркози, кој во моментов е во затвор за корупција, исто така беше на црвениот тепих. Тоа не ја спречи Карла да блесне минатата вечер, па затоа избра сребрено-сино тесен фустан од модната куќа „Селин“, што беше направен одлично од ситни кристали. Фустанот е целосно долг, но со длабоко деколте на бутот.
Познатата актерка Џоди Фостер избра едноставен бел фустан „Живанши“ со мали украси и изгледаше намален и гламурозен.
Манекенката Кендис Сванпул се појави синоќа на црвениот килим во луксузен златен комбинезон „Етро“. Креацијата е во стилот на седумдесеттите години, со ракави и нозе во форма на ѕвонче и реси.
Моделот на фустанот, кој, според некои, синоќа го зазеде првото место, е прекрасен бел фустан на моделот Бела Хадид со црн тул кој беше влечен неколку метри зад неа.
Од друга страна, има и такви кои сметаат дека некој што е во светот на модата треба да се облекува многу подобро и дека не се осмелувала да комбинира црно-бело. Несомнено, градот на југот на Франција повторно беше место за средби на сјај и гламур, каде што на церемонијата на отворање, високата мода и филмот беа постојано испреплетени.
