Брчките се најфрустрирачкиот дел од стареењето. Вашето тело можеби се менува со стареењето, но тоа барем може да се прикрие. За разлика од телото, лицето не може да се прикрие и брчките се очигледни.
Изненадувачки е фактот дека постојат одредени намирници кои ќе ви помогнат вашата кожа да го врати сјајот и да изгледа младо.
Мед
Познато е дека шеќерот е штетен за кожата, но прирродниот шеќер кој го содржи медот всушност помага, бидејќи не предизвикува воспаление во телото и на кожата како што може да предизвика обичниот шеќер. Медот е антиоксиданс кој е одличен за кожата. Најдобриот дел од употребувањето на медот е тоа што може да го јадете или пак да го нанесете на кожата.
Бобинки
Јадењето бобинки може да создаде регенерација на клетките за нова кожа. Тие исто така содржат флавоноиди, полифеноли, витамини, пробиотици и многу антиоксиданси. Сите тие се одлични за вашата кожа.
Листен зеленчук
Секој вид на листен зеленчук и помага на вашата кожа да остане здрава и хидрирана. Овие зеленчуци се како супервитамини полни со антиоксиданси. Нив можете дури и да ги пиете во смуди како полесен начин да се апсорбираат потребните состојки. Сите листени зеленчуци содржат антиоксиданси, но брокулата и спанаќот ги даваат најдобрите резултати.
Домати
Доматите содржат големо количество на витамин Ц. Тој помага во создавањето на колагенот кој ја прави кожата еластична. Тие исто така содржат и ликопен, кој ја заштитува кожата од УВ зраците и го подобрува васкуларниот систем. Доматите се толку ефикасни, што по шест недели ќе забележите сјај на кожата.
Авокадо
Авокадото содржи глутатион, за кој се знае дека има неверојатни својства против стареењето. Оваа состојка е исто така присутна кај повеќето намирници за детокс. Кога ги топи токсините од вашиот систем, глутатионот помага при појава на акни и брчки, па дури се покажува и дека го забавува развојот на одредени видови на рак.
Аминокиселини
Голем дел од брчките се создаваат поради малото количество на колаген и еластин во кожата, што се случува при стареењето. Аминокиселините кои се наоѓаат во протеините можат да помогнат да се поправи забавувањето. Овие аминокиселини можат да се најдат во месото, рибата, јајцата, бадемите, семињата.
Зелен чај
Пиењето на зелен чај има повеќе придобивки отколку што мислиме. Истражувањата покажале дека зелениот чај помага клетките да растат правилно и да се одржи здравиот живот. Ова е важно бидејќи потребно е клетките да се регенерираат правилно, за кожата да го задржи младиот изглед.
