Зошто што секое дете, особено она кое страда од аутизам треба да има куче во домот.
Шведските научници објавија дека врската помеѓу кочето и детето може да послужи како терапија во лечење на тешки психички проблеми, како аутизам и некои други психички пореметувања.
„Окситоцинот е исклучително силен посредник во врската помеѓу кучето и човекот. Луѓето кои имаат физички контакт со своето куче имаат зголемен степен на окситоцин, кој се задржува во текот на целата комуникација помеѓу животните и човекот, а тој хормон е важен во борбата против стресот“ – вели шведскиот професор Пер Џенсен.
Окситоцинот е хемикалија позната како хормон на љубов кој го лачат и кучињата и луѓето, познато е дека ја зајакнува друштвената врска помеѓу луѓето и животните. Детскиот психички, социјален, емоционален и когнитивен развој може да биде потпомогнат во интеракцијата со домашниот миленик.
Домашните миленици имаат позитивна улога во психофизичкиот и социоемоционалниот развој на децата. Посебно се корисни за децата со аутизам, тешкотии во учењето, хиперактивни или агресивни деца.
Децата со аутизам се служат во главно со невербална комуникација, баш како и домашните миленици па во контакт со нив на детето може многу да му помогне во подобра интеракција со луѓето. Исто така и кај децата со потешкотии во учењето можат да бидат одличен лек против стрес. Галењето на кучето може да ја смири хиперактивните или агресивни деца, покажуваат многу истражувања.
