После популарното whipped coffee, ни доаѓа напиток со вкус на јагода за кој сме сигурни дека нема да му одолеете
Откако започна пандемијата на коронавирус, „изматеното“ кафе стана вирален хит. Се работи за напиток кој се подготвува од еднаква количина на инстант кафе, шеќер и вода и кој се микса во кремаста смеса и потоа се прелива врз коцки мраз и млеко.
Сите оние кои не пијат кафе или сакаат да го намалат внесувањето на овој напиток во организмот, можат да направат и бескофеински напиток по ист рецепт.
Блогерката Валентина Муси, позната по своите извонредни рецепти и по името Sweet portfolio, објави на својот инстаграм профил видеотуторијал за изматено млеко од јагода (whipped strawberyy milk), кој за кратко време доби огромна популарност.
Изматеното млеко од јагоди има кремаста текстура, сладок вкус и неодолива розова боја. Покрај се, се подготвува лесно ако имате мискер и овие неколку состојки.
Состојки за подготвување:
-1 лажица инстант напиток од јагода
-4 лажици крем за шлаг
-400 мл млеко
-Неколку коцки мраз
Подготовка:
Во голем сад измешајте го кремот за шлаг и инстант напитокот од јагода. Со помош на миксер матете додека смесата не се претвори во шлаг.
Разледете го млекото во две чаши и наполнете ги со коцки мраз.
Со лажица префрлете ја смесата од јагоди на врвот од млекото. Пред да го пробате овој сладок напиток измешајте го шлагот со млекото.
