Дали знаевте дека доколку не очекувате многу од животот, тој ќе биде многу посреќен и поисполнет? Токму по тој принцип се водат жителите на оваа земја кои се сметаат за најсреќни на целата планета.
Данска е земјата која долги години се смета за лидер во оваа категорија. Никој освен Финска во последно време не може да ја тргне од тронот. Жителите на оваа држава за ништо на светот не би го смениле својот дом и ако ги запрашате, за нив депресијата и незадоволството се непознати поими.
Многумина тврдат дека тајната на нивната среќа се состои во тоа што тие сакаат да бидат обични, просечни луѓе. Освен тоа, не се замараат со неважни работи и не размислуваат премногу за она што не ги засега. Едноставно се трудат да уживаат во сегашноста и да ја искористат максимално. Меѓутоа, кој не е роден таму, тешко се навикнува на нивните принципи на живеење.
Тие се водат по овие необични правила:
- Не мислете дека сте посебни
- Не мислете дека сте подобри од останатите
- Не мислете дека сте попаметни од останатите
- Не се убедувајте себеси дека знаете повеќе од другите
- Не очекувајте совршени животни околности
- Не очекувајте некој постојано да биде покрај вас, понекогаш сами мора да се изборите за себе
Иако на прв поглед овие принципи се чудни, тие според зборовите на психолозите имаат позитивен ефект врз постигнувањето среќа и задоволство. Водени по овие правила, тие се прилагодуваат на еден просечен живот во кој не очекуваат ништо посебно. Со таквиот поглед на светот, тие се задоволни со просечните работи и тоа им е доволно, но ако ги надминат своите очекувања, среќата за нив станува уште поинтензивна.
