Ноќниот живот во Гостивар се збогатува со уште една локација, познатиот MASSIVA NIGHT CLUB го враќа сјајот и уникатноста во ноќниот живот на Гостивар.
Отворањето е закажано за оваа сабота на 31-ви март, кога е најавена голема спектакуларна WHITE SENSATION забава. Дискотеката која има капацитет за 450 гости, сега комплетно реновирана гарантира една поинаква, урбана забава, каква што секој град треба да има.
Електронски звуци и визуелни реквизити ќе приредат вистинско шоу за посетителите на овој настан, а организаторите го најавуваат овој проект како нешто навистина различно и вистински ќе ги размрда гостиварчани.
На програмата во сабота вечер се најавуваат Robbie Ray – Led robot Dj, кој е првиот Лед Робот во Македонија, со ласерски ракавици, и приредува лед ди-џеј робот шоу, потоа MOONFLY што е диџејски проект чиj концепт е сосема различен од се` што сме имале до сега во Македонија. Проектот е осмислен и изработен во Барселона од група диџеи кои сакаат да останат анонимни, така што сетот доаѓа со специјално дизајнирана маска, подиум со светлечки тетриси и танчерки чии крилја се изработени од LED технологија, а тука се и Dj Bobi & Dj Kico, кои го комплетираат шоуто и ќе ви приредат моменти кои нема брзо да ги заборавите.
Бела облека и добро расположение е се` што ви е потребно за незаборавна забава овој викенд. Повеќе информации околу настанот може да добиете на: 072 250 323, 075 335 170 и на фејсбук настанот.
