Постојат најразлични талисмани за кои се верува дека привлекуваат пари, како што се кристалите, кинеските парички според фенг шуи или фигури на жаба кои според кинеската традиција носат прилив на пари во домот. Еден симбол со векови важи за нешто позитивно и моќно – станува збор за знакот на бесконечност.
Симболот на бесконечноста е еден од најстарите симболи кои се користат во многу култури. Се смета дека носи позитивно поттикнување на енергија, а посебно значење има кога го носите како привезок на нараквица или црвен конец.
Овој симбол се користи за хармонија и рамнотежа, а поврзан е со бројот осум кој симболизира богатство и просперитет. Во фенг шуи симболот за бесконечноста се користи за хармонизација на просторот и подобрување на виталната енергија во домот.
Се верува дека доколку честопати го цртате овој знак во својот планер, може да доведе до успех, а доколку го истакнете во спалната соба ќе ја зајакнете енергијата во љубовта со партнерот.
Знакот на бесконечноста е симбол на позитивна енергија и континуиран развој, па може на различни начини да го искористите за привлекување добри вибрации.
