Приказна со силна поука
Некој сиромашен селанец трчајќи дошол до мудриот човек кој се одмарал под едно дрво.
„Камен! Камен! Дај ми го скапоцениот камен!“
„Каков камен?“ – го прашал мудрецот.
„Синоќта сонував дека ќе пронајдам човек кој ќе ми даде скапоцен камен и ќе ме направи богат засекогаш.“, одговорил селанецот.
Мудрецот посегнал по својата торба, почнал да пребарува по неа и после некое време извадил камен.
„Мислиш на овој?“ – го прашал селанецот.
„Го пронајдов на патот пред многу години, еве ти го.“
Селанецот го погледнал каменот зачудено. Бил дијамант, веројатно најголемиот дијамант на целиот свет. Го земал и заминал.
Цела ноќ не можел око да склопи. Размислувал, се превртувал, што да прави, што ако некој дојде и го земе, немал мир.
Следниот ден околу пладне повторно отишол кај мудрецот и му рекол:
„Дај ми го тоа што ти овозможило толку лесно да се откажеш од дијамантот.“
