Едноставен трик кој ќе ви помогне во борбата против првутот
Првутот е проблем со кој се соочуваат многу луѓе. Понекогаш не можат да ни помогнат ни разновидните шампони и лосиони на пазарот.
Затоа некои се свртуваат кон природните решенија. Во таа смисла, има релативно едноставен трик кој помага во борбата против првутот, а можете да го пронајдете во вашата кујна.
Станува збор за чај од камилица, кој, според мислењето на експертите за коса, е многу корисен, бидејќи ја ублажува иритацијата која го предизвикува првутот. Затоа, ако темето ви е суво и ве чеша, ставете на местото кое што е иритирано, вата натопена во чај од камилица и измасирајте го темето на главата.
Сепак, ова е само привремено решение. За трајно решавање на проблемот постојат неколку чекори што можете да ги преземете.
Прво, почесто мијте ја косата, за да имате чисто и здраво теме, а се препорачува и да водите сметка кога се појавува првутот, а потоа да одредите дали има некоја причина во неговото појавување.
