Викендот претставува совршен дел од неделата за одмор, но и за приготвување вкусни јадења кои досега не сте ги направиле. Изненадете ги најблиските со поинакви палачинки кои сигурно ќе им се допаднат. Овие солени палачини се направени од компир, тиква и уште неколку состојки. Во продолжение погледнете како да ги приготвите.
Состојки:
- 400 гр тиква
- 350 гр компири
- 1 јајце
- 150 гр брашно
- 20 гр нишесте
- зачин
- бибер
- морско оревче
- 20 гр семки од сончоглед
- 20 гр семки од тиква
- 20 гр маргарин
- 20 мл масло
Подготовка:
Тиквата и компирите се лупат. Се сечкаат и се мешаат во еден сад. Им се додаваат зачините и јајцето. Се мешаат убаво и се пржат на загреано масло во подлабока тава. Смесата со две лажици се обликува, се става во маслото и малку се гмечи, да се добие облик на мала палачинка или плескавица. Се пржат додека не добијат крцкава коричка. Се служат со кисела павлака.
Добар апетит!
