Автосексуалноста е возбудување кон сопственото тело и уште неколку сексулани однесувања. Ова е поим за кој малку се зборува, а чест поим кај многу луѓе кои се самосвесни, суетни и нарцисоидни. Сепак, автоеротизмот не се смета за психичко пореметување. Тој влијае на сексуалниот живот само во форма на сопствена нарцисоидност и не подразбира ментални или емотивни проблеми кај личноста.
„Иако ме привлекуваат жени, не сметам дека само тие се во сферата на мојот интерес. Но, не сум хомосексуалец туку сум автосексуален. Тоа не значи дека сум целосно нарцисоиден, но кога е во прашање еротиката, никој од самиот себе не може да ме привлече повеќе и дефинитивно ја преферирам мастурбацијата“, ова го изјавил еден од вљубениците во своето тело за „Psihology Today“.
Оние кои всушност се идентификуваат со ваквиот начин на сексуално однесување, не се осамени.
„И кога сум вљубена, мене пак ме привлекува сопственото тело. Со никој не можам да бидам толку длабоко емотивно поврзана, како со своето тело“, вели една автосексуална девојка.
Со оглед на тоа што е нормално сите да се сакаме себе, за вистински автосексуалци се сметаат луѓето на кои им е доволно да погледнат своја провокативна фотографија на ФБ или одраз во огледало за да се возбудат сексуално.
Истражувачите советуваат дека автосексуалноста не треба да се трудиме да ја пригушиме, бидејќи оваа појава ја прави личноста емотивно исполнета.
