Третманите за нега на кожата постоеле со векови наназад, но во последно време се почесто многу од нив доживуваат свое враќање. Еден од таквите е и сувото четкање односно ‘dry brushing’ кој оживеа и повторно се пласира на листата на тренд делотворни третмани на кожата.
Првиот чекор е да набавите четка од природни влакна затоа што синтетиката може да направи повеќе штета отколку корист. Најдобриот избор е дрвена четка со меки влакна и дршка со цел да го дофатите секој милиметар од телото.
Четкајте ја кожата со кружни движења и секогаш према нагоре, почнувајќи од стапалата. Секоја зона од телото поминете ја неколку пати но избегнувајте го интимното подрачје и оштетената кожа. Внимавајте да не четкате премногу грубо затоа што никако не смеете да создадете гребнатини по кожата. Очекувајте дека со тек на време вашата кожа ќе стане отпорна и ќе се навикне на овој третман.
После третирањето обавезно истуширајте се со цел да ги отстраните мртвите клетки од кожата и да ја поттикнете циркулацијата а за тоа ќе ви помогне студената вода. Сувото четкање практикувајте го секој ден во првиот месец, а подоцна ќе ви биде доволно и 2 пати неделно.
Предностите на редовното спроведување на овој третман ги има повеќе: ќе ги отстрани изумрените клетки од вашата кожа, ќе ја поттикне циркулацијата, ќе го исфрли вишокот вода од организмот и постепено ќе го отстрани целулитот и ќе и подари на вашата кожа детоксикација, исто така ќе го зајакне и имунолошкиот систем, ќе стимулира брз раст на ќелиите на кожата, ќе ја затекне кожата и ќе ја стимулира работата на хормоните и жлездите.
