Зимата е создадена за топли чорби, а токму таква е оваа чорба која ќе стане ваша омилена во текот на студените денови.
Состојки:
- 400 гр јагнешко месо
- 2 моркови
- 1 корен магдонос
- 1 помал корен целер
- 1 поголем праз или 2 главици кромид
- 1 зелена пиперка, може и 1 свеж излупен домат на коцки
- 1 жолчка
- 2 лажици павлака
- 1 лажица брашно
- масло
- неколку листови ловор
- бибер во зрно или мелен
- сол
- лист од магдонос
Подготовка:
Еден морков изрендајте и пропржете го на масло, потоа ситно исечкајте го празот или кромидот и додадете го морковот па динстајте. Целерот, магдоносот, пиперката исечете ги на сканата големина и додадете ги.
Ако сакате можете да ставите и домат. Потоа додадете го месото на коцки, ловоровиот лист, бибер во зрно и малку пиперка. Налијте со вода и варете.
Кога месото и зеленчукот ќе се сварат, процедете ги и одвојте го месото, а чорбата вратете ја на шпорет. Лажичка брашно разматете ја со млака вода или млеко и додадете ја чорбата и пуштете ја да врие 2-3 минути. Додадете зачин сол и мелен бибер.
Во поголема чинија ставете ја жолчката во павлаката, и добро измешајте. Полека додавајте жешка чорба со кутлача и брзо матете да не се направат грутки. Додадете го магдоносовиот лист и вратете го зеленчукот и месото во чорбата и сервирајте. Во чинијата може да додадете и неколку капки лимонов сок.
