Постојат четири основни типови на крвни групи – А, Б, АБ и 0, а нивната зачестеност најмногу зависи од генетиката и од групата народи на кои припаѓаме.
Повеќето луѓе се Rh позитивни, се проценува дека само 15% од популацијата е Rh негативна.
Сепак буквално постојат милиони варијации на крвните групи, а најретката ја имале само 43 луѓе во светот. Овој вид во 1961 година за прв пат е дијагностициран кај Абориџина. Оваа најретка крвна група нема ниту еден од 50 антигени од системот Резус, а нејзиното име „златна“ го добила затоа што е толку ретка.
Она што ја прави оваа крв посебна е тоа што е значително подобра како универзален донатор од крвната група 0 и е компатибилна со сите други ретки крвни групи, но за жал, во светот има само уште девет живи донатори.
Научниците ја нарекуваат „златна крв“, а оние што ја имаат се почестени од една страна затоа што можат да спасат сечиј живот, но доколку се во опасност, само осум лица во светот можат да им помогнат.
