Историјата на Франција се протега низ илјадници години, од тие причини ја има една од најубавите архитектури. Многу стари градби од различни периоди сведочат за историјата и остануваат како потсетник за богатата култура на оваа држава.
Во Франција има многу религиозна архитектура, има голем број на цркви, некои од нив се стари стотици години, во готска архитектура, а некои се нови и модерни.
Катедралата Бурж
Оваа Романо Католичка црква е изградена во 13-иот век во Бурж. Еден од најубавите верски симболи во Франција, оваа катедрала е исшарана со сложени резби и симболи, има неверојатни стаклени витражи каде се раскажани приказни од Стариот и Новиот Завет.
Катедралата Шартр
Во 1194 година започнала градбата на катедралата Шартр, таа е една од најубавите во Франција. Изградена во готски стил, а колоритните стакла на прозорите се одлично зачувани. Покрај убавината на катедралата однадвор, ве очекува и многу убава глетка одвнатре, вистински уметнички дела ја красат целата катедрала.
Монолитната црква Сен-Жан
Градчето Aubeterre-sur-Dronne е мало и живописно, а што е уникатно за него е оваа подземна црква, изградена целосно од варовник. Изградена е во 7-миот век, а проширена во 12-иот, во неа има базени за крштевање и ковези. Не изгледа како традиционална француска црква, но е ова е уникатен примерок кој вреди да се стави на листата на најубави цркви.
Манастирот Мон Сен Мишел
Убавината на овој манастир е неговата локација. Изграден е на островче недалеку од Нормандискиот брег. Изграден е во 15ти век и бил дом на бенедиктинските монаси. Сега во овој предел се води мирен живот, има тивки кафеа, ресторани, продавници и музеи, сите посветени на историјата и културата на островот.
Пресвета Богородиза Заштитничка
Сместена во приморскиот град Марсеј, ова е катедрала во чест на морнарите. Изградена е во 19-иот век на основите на остатоци од античка тврдина. Изградена е во византиски преродбенички стил.
Богородична црква во Париз
Бисерот на Француската рхитектура, најпознатата црква Богородичната црква во Париз е изградена во средината на 12-иот век.
Ремската Катедрала
Пред 800 години започнала изградбата на катедрамата во Ремс. Таа е убав претставник на готската архитектура и често во историјата била место за крунисување на кралевите.
Руенската Катедрала
Руен е познат како град со многу цркви, но најубавата е оваа катедрала. Највисока е во Франција, а има дури 56 ѕвона.
Sacre-Coeur
Лоцирана во Монмартр, добро позната Париска катедрала плени со нејзината импозантност. Изградена е во романо-византиски стил и е неверојатно слична на познатата катедралата Света Софија во Истанбул.
Свети Михаил од Агуила
Изградена на карпа, во 10-иот век во Агуила, оваа црква е импресивна кога ја гледате од страна, но и вистински предизвик е да стигнете до неа. Треба да искачите 268 стрмни скалила, а горе ве очекува светите тули и камен кој раскажува за некои други векови.
Стразбуршката Катедрала
Ја нарекуваат и розевата катедрала по препознатливиот розевкаст тон кој го има заради пасочниот камен од кој е изградена. Изградена во романескен и готски стил, а во неа сеуште се одржуваат Католички служби.
Катедралата Амиенс
Лоцирана во градот Амиенс, на само два часа од Реимс, оваа готска катедрала е изградена во 13тиот век. Неверојатна структура, висока со многу детали.
