Вообичаено после празниците и сите прослави завршуваме со неколку килограми повеќе и исцрпени без енергија.
Што да се прави пост празнично, како да си го вратите еланот и да ги намалите килограмите?
1. Наспијте се.
Доброто наспивање е вистински лек. Спиењето е поврзано со телесната тежина, контролата на новоата на стрес и целокупното здравје.
2. Пијте голема чаша вода веднаш по станувањето наутро.
или пред да си легнете. Додека спиете на телото му треба хидратација, а пиењето вода кога ќе станете од спиење значи будење на организмот и енергија за секоја клетка.
3. Истегнувајте се.
Најдете време во денот за кратки паузи од истагнување. Ќе ви го намали уморот и ќе ви го зголеми крвотокот и ќе ви ги раздвижи мускулите.
4. Пијте течности за намалување на подуеноста.
Состојките како лимон, ѓумбир, ментол, кокос, кајан пипер го подобруваат дигестивниот систем. Пијте чаеви и вода збогатена со лимон за полесно да се чуствувате.
5. Избегнувајте алкохол.
Пост празничното прочистување не треба да содржи воопшто алкохол. За нашите тела алкохолот е токсин, а сега е време да му ја вратите енергијата и да го освежите.
6. Не се изгладнувајте.
Детоксијацијата не треба да значи изгладнување. Тоа не е време кога треба да бидете само на џусеви, туку треба на организмот да му давате разновидна, но природна храна. Избегнувајте шеќери и тесто, хранете го со свежо овошје и зеленчук и чисти протеини. Јадете помали оброци, почесто.
