Разводот не ги спречи да останат во одлични односи, а деновите во изолација ги поминуваат заедно. Познатиот српски кошаркар Марко Јариќ пандемијата на коронавирусот полесно ја поминува покрај поранешната сопруга, супермоделот Адриана Лима и нивните две ќерки.
Американските медиуми пренесуваат дека поранешниот брачен пар повторно ги зближила пандемијата.
Семејството моментално ужива во Мајами, а многумина беа изненадени од фотографиите бидејќи Адриана и Марко долго време не се видени заедно, дури и се зборуваше дека двајцата продолжиле понатаму по разводот.
Развод по пет години брак
За потсетување, Адриана Лима и Марко Јариќ се венчаа на Денот на вљубените во 2009. година во Америка, а во бракот ги добија двете ќерки. Бракот траеше 5 години, а се разведоа во 2014. година.
Иако никој не знае во каков однос е поранешниот брачен пар по разводот, одлуката заедно да го поминат карантинот отвори простор за многу шпекулации.
