Напуштените места секогаш имаат некоја носталгична нота во себе.
Носат толку многу приказни, толку многу нераскажани спомени. Бидејќи се работи за недвижнини, голем дел од нив пропаѓаат по некој голем (најчесто негативен) настан. Па така, голем дел од луксузните хотели низ Југославија, по војните имаат останато на милост и немилост од времето и климатските услови. Голем дел од нив не можеле никогаш пак да се разработат поради економските штети кои им ги нанела самата војна, а голем дел носат претешко минато со нив, за некој да може повторно да ги заживее со туристички дух.
Фотографот Филип Молчан направил мала екскурзија околу бившите југословенски простори и фотографирал стари хотели, кои своевремено биле популарни луксузни одморалишта.
