Една крава во Англија е продадена за верувале или не за 299 000 евра.
Таа се вика Пош Спајс, според „титулата“ што Викторија Бекам ја носеше во женскиот бенд „Спајс Грлс“, и тоа е рекорд за добиток што припаѓа на расата лимузин.
Пош Спајс е потомок на говеда кои добивале награди, пренесува Би-Би-Си, а нејзината мајка Милбрук Гингерспејс досега го држеше британскиот и европскиот рекорд по цена, што го постави кога беше продадена во 2014 година
Сопственичката на продадената крава, Кристин Вилијамс, изјави дека се чувствува како да „добила на лотарија“ и дека крајната цена е „неверојатна“.
За Пош Спајс, се разбира, таа имаше само пофални зборови, па рече дека е „паметна и полна со стил“, а оваа многу висока цена ја припишува на „оној Х фактор“ што го има кравата.
Holy Cow! Named after Posh Spice, Britain’s most expensive cow sells for the cost of a #Lamborghini Aventador or Ferrari 812. – https://t.co/9Nc9SPpFVH pic.twitter.com/5Y58fOp3rs
— Luxurylaunches (@luxurylaunches) February 4, 2021
