Направете радикална промена во вашиот животен стил и почнете смело да правите работи за кои претходно можеби никогаш не сте помислувале да ги правите или сте биле премногу колебливи за да се обидете.
Толку многу луѓе живеат во несреќни околности и сепак нема да преземат иницијатива за промена на нивната состојба затоа што се условени со живот на сигурност, сообразност и зачувување, а сето тоа може да изгледа дека дава еден мир, но во реалноста ништо не е повеќе штетно за авантуристичкиот дух во човекот отколку сигурната иднина.
Основното јадро на живиот дух на човекот е неговата страст за авантура. Радоста на животот доаѓа од нашите средби со нови искуства и оттука нема поголема радост од тоа да имаме бесконечно менувачки хоризонт, за секој ден да има ново и различно сонце. Ако сакате да извлечете повеќе од животот, мора да ја изгубите склоноста кон монотона безбедност и да усвоите стил на живот, кој најпрво ќе ви изгледа како луд. Но, штом еднаш ќе се навикнете на таков живот, ќе го видите неговото целосно значење и неговата неверојатна убавина.
