Сакам луѓе кои не покажуваат лажна големина, луѓе кои се тоа што се. Не треба многу да размислувате што ќе им кажете на овие луѓе, како ќе им кажете, како ќе изгледате пред нив. Ве разбираат без разлика на се и како и да им кажете, со нив се е сосема едноставно. Таквите луѓе имаат слух за вашите проблеми, грижи, сомнежи и стравови. Таквите луѓе ќе ве слушаат без да размислуваат за себе и што сакаат да ви кажат. Да се биде во нивна близина е драгоцено.
Сакам луѓе кои не покажуваат поинакво лице од ова што го имаат, таквите луѓе му се потребни на овој свет, свет полн со игри и улоги во кој секој се труди да им угодува на другите, да биде подобар од другите и не избира начин да го стори тоа, не избира зборови со кои ќе го постигне. Ги сакам луѓето кои ќе ви кажат што мислат затоа што дури и кога немаат што да кажат, повторно ќе се чувствувате удобно покрај нив.
