Куќички од медењаци, новогодишни елки, украси за елка – од медењаци можете да создадете вистински чуда.
Како да ги направите сами и што ви треба? Еве ги најинтересните идеи за најубави божиќни украси од медењаци.
Куќичка од медењаци
Ова е еден од најубавите божиќни украси од медењаци. За да ја направите куќичката ви треба, пред сè, тенко тесто од ѓумбир од кој ќе ги направите sидовите и покривот на куќата. Ако не знаете како да ги измерите елементите, користете готови калапи. Тестото се пече во калапите 8-10 минути во рерна загреана на 180 степени. Печените елементи се лепат заедно со глазурата подготвена врз основа на белки од јајца. Кога ќе се исушат, сè што треба да направите е да ја украсите куќичката од медењаци. Можете да користите сè што сакате! Шарена глазура, чоколадни преливи, суво овошје и ореви – па дури и слатки бонбони. Сите трикови се дозволени во украсувањето на куќичката од медењаци.
Новогодишна елка
Оваа идеја за украсување на медењаците ќе им се допадне на оние кои немаат трпеливост да ги залепат и украсат сите елементи на куќичката. Декоративната елка е дефинитивно полесна и побрза да се направи. Едноставно испечете ги sвездите од медењаци во неколку различни големини и залепете ги со глазура. Готовите елки можат дополнително да се попрскаат со шеќер во прав, што им дава зимски карактер .
Висечки украси од медењаци
Печените божиќни медењаци се исто така одлични како божиќни украси или како елементи за украсување на масата. За да ги закачите каде било, само ви треба парче украсна врвца или празнична бела и црвена лента. Ќе биде полесно да се направи мала дупка во колачите од медењаци пред да ги ставите во рерната.
Погледнете интересни идеи во фото галеријата!
