Повеќето инстаграм профили се дневник на личностите кои стојат зад нив, сите се спој од моментите кои ни носат #среќа, кои не воодушевуваат и не маѓепсуваат до таа мера за да ги сликнеме, обработиме и да раскажеме како ние гледаме на нив.
Секој предмет, секој објект, секој лист во природата има своја приказна, а нараторите ја раскажуваат приказната што ја носат во себе, па често ќе видиме прекрасни фотографии на инстаграм. Но, ако не скролате многу брзо и застанете внимателно да ги погледнете ќе видите приказна во секоја една од нив.
Во оваа прилика ја раскажуваме приказната на @svidovski, уште еден профил на кој задолжително треба да се стисне follow, а воедно ве потсетуваме да ја следите среќата.
Стефанија има свои Mementos from everyday life, како што и стои во описот на профилот,… портрети, места, моменти, природа. Збир од спомени кои таа ги реди на својот профил, создавајќи една убава приказна која зрачи со топлина и уникатност.
Која е Стефанија?
„Стефанија е вечен ентузијаст и трагач по една поинаква, розева, Утописка верзија од светов во кој живееме, crazy cat lover, зависник од естетика и потребата да ја зачувам сета таа непресушна убавина во секојдневиево што не секој ја забележува. А кога сме тука, топло би препорачала на секој да почне.“
“Create your own fantasy world outside the norms. It’s the only way to survive this bittersweet world.”
Mementos од секојдневието, но што најмногу сакаш да фотографираш?
„Дефинитивно mementos од секојдневието, бидејќи таа секунда, минута, дел од моментот се случува тогаш и никогаш повеќе.“
„Таа спонтано доловена емоција и магија нема да се долови со ниту еден перфектно наместен кадар.“
„Добрата фотографија… е секоја фотографија која што ќе успее да пробуди нешто кај мене. Звучи клише, but it’s simple. Без разлика дали е фотографирана со мобилен или фотоапарт, успешна фотографија е секој оној замрзнат фрагмент од времето што ќе предзивика некакво чувство во тој што ја набљудува.“
Ја инспирираат емоциите, „Во зависност од тоа каков ми е моменталниот mood и state of mind, тоа и ќе го прикажам на фотографијата.“
Која сезона ти е омилена за сликање?
„Есен засекогаш. Есента ми е врежана во срце како омилена сезона In general, а потоа и како омилена сезона за фотографирање. Покрај тоа изобилието од топлина каде и да се свртиш, тие живописни бои и сите потенијални кадри, есента ми дава некој спокој. Како некое затишје пред лутата зима. Како lullaby пред зимскиот сон.“
Ја прашавме со што најчесто фотографира, а вели дека фотоапаратот Canon е дел од секоја нејзина авантура.
„Фотоапаратот е и ќе биде со мене во секоја авантура низ земјава/светов. Колку и да се трудам да се воздржам и да уживам во моментот единствено за мене, скоро секогаш завршувам како сведок позади објективот, I just can’t help it. J Секако, тука е и мобилниот, кој умее да ги овековечи дел од моментите кога не ми е при рака Canon-от.“
„Во однос на постпродукција на фотографијата, за мене едитирање како процес е она што ќе ги истакне и ќе ги направи повпечатливи веќе зачуваните елементи од еден блиц момент.“
„Преферирам да ја зачувам автентичноста на оној кадар што сум го забележала, она што мe натерало да застанам и да украдам дел од моментот со цел да го пренесам токму тоа што ме фасцинирало во финалниот резултат. Инаку користам Photoshop, и како помошни алатки the must-have мобилните апликациите Snapseed и VSCO.“
Што те прави среќна?
„Луѓето во мојот живот и сите оние мали нешта што дополнително го зачинуваат.Скопје во есен. Бескрајните талкања и истражување природни убавини низ прекраснава ни земја. Чоколадна топка сладолед од Џино. My cat. Снегот во фебруари. Тазе инспирација.“
