Темел на доброто воспитување на секое дете е присуството на родителот во текот на неговото растење и посветувањето на доволно љубов и внимание.
Се чини дека модерното родителство пред младите родители поставува различни предизвици. Најголемата родителска должност е добро да го воспита своето дете, што се смета за голема и тешка мисија, особено денес, во време на модерната технологија, која неретко на децата им го одвлекува вниманието од вистинските вредности кои го прават детството безгрижно. Психолозите сметаат дека ова се клучните елементи кои доведуваат до безгрижно детство, а воедно и тајната на доброто родителство.
Поминувајте квалитетно време со своето дете
Темел на доброто воспитување на секое дете е родителот да биде присутен во текот на неговото растење и да му посветува доволно љубов и внимание. Важно е да бидете присутни, да слушате и секогаш да имате одговор на секоја дилема на вашето дете. Вие сте оние на кои може да се потпре детето додека расте. Разговарајте со вашето дете и учествувајте во неговата игра, бидејќи вие сте неговиот најдобар пријател кој ќе го стекне во текот на животот.
Бидете добар пример на своето дете
Општо е познато дека децата поголемиот дел од своето однесување го усвојуваат од своите родители, затоа е на вас да бидете добар пример на своето дете. Важно е да ја придобиете неговата доверба, за да ве смета за пример и да ги следи вашите постапки низ животот. Преку својот пример покажете му на детето што значи грижа за друг, но и грижа за себе.
