Трендовите секогаш се менуваат, па честопати се случува да се врати во мода некое парче за кое сме мислеле дека никогаш повеќе нема да го ставиме на себе. Марамите се еден од модните додатоци без кои нема да биде комплетен вашиот изглед оваа сезона.
Како да ги носите?
Секоја марама можете да ја носите на повеќе начини, во зависност од материјалот и големината. Ова се само некои од нив.
1. Марама околу вратот
Марамата класично можете да ја носите околу вратот и да ја врзете на неколку начини или едноставно само да ја ставите околу вратот и да ја пуштите. И додека некогаш марамите се носеа со сако и во деловна комбинација, денес тоа не е случај. Тие се носат во комбинација со сако, маици со принт, фустани, па и со кожни јакни.
2. Марама како ластиче за коса
Со помош на марамата секогаш можете да направите репче, а најлесно ќе биде доколку најпрво врзете репче со обично ластиче, а потоа ја замотате марамата околу него.
3. Марама на глава
Со помош на марамата можете да ја прекриете главата во потполност и така да се заштитите од силното сонце или пак да ја преклопите како венче.
4. Марама на рака
Прекрасна замена за алка. За овој тренд подобро е да користите помали марами бидејќи во спротивно марамата ќе изгледа преголема за вашата рака.
5. Марама на чанта
Еден тренд кои своевремено го промовираа брендови како Шанел и Хермес, повторно е во мода, а тоа е марамата на чанта. Без разлика дали е замотана околу целата рачка или е врзана на работ, ва е еден трик со чија помош ќе ја освежите чантата.
