Одолговлекувањето на работите коишто мислите дека треба да ги направите е само уште едно Ваше повлекување во комфорната зона. Не сте задоволни од Вашиот живот и од тоа што можете да го постигнете, а сè уште не сте почнале? Сега и токму сега е вистинскиот момент и вистинското време да ги смените работите. Ви подготвивме мал водич како да почнете да го будите џинот во себе:
1. Бидете со луѓе коишто Ве прифаќаат такви какви што сте.
Постојаното трудење да се промените за другите Вам Ви влијае се полошо и полошо. Поминувајте го Вашето време со луѓе коишто Ве поддржуваат и ценат, оттргнете се од оние коишто постојано Ве критикуваат.
2. Правете работи коишто Ве исполнуваат.
Вашето хоби е она што Ве одржува во живот. Не занемарувајте го и ќе видите дека Вашата енергија и позитива се повторно со Вас.
3. Секогаш трудете се да најдете нешто добро во лошото.
Оптимизмот е една од најмоќните алатки што може да ги поседува човекот, алатка за којашто многумина копнеат, а не знаат дека всушност ја имаат, само треба да ја активираат.
4. Кажете НЕ на нешта на коишто не сакате да си ја трошите енергијата и времето.
Секогаш имајте приоритети, тие ќе Ве однесат на Вистинскиот пат.
5. Простувајте!
Простувањето не е лесно, но токму тоа е нештото што ќе ви помогне да го заборавите и да не се навраќате на минатото и да се фокусирате на иднината.
