Новиот вирус очигледно се задржува во фекалните материи долго време, покажа една студија
Најризично место во домот за пренесување на корона вирусот е бањата, веруваат научниците.
Неодамнешното тестирање спроведено во дом во кој бил изолиран заразен со корона вирус, покажа дека ВЦ шолјата, мијалникот и кваката од тоалетот се позитивни на вирусот, што ја засилува можноста дека друг начин на пренесување на вирусот може да биде преку фекалии.
Претпоставката на научникот дека бањата е најризична лежи во фактот дека откако ќе пуштите вода во бањата, вирусот се шири низ просторијата и ги контаминира другите области во близина.
Истражувањето на др. Сеана Веи Ксианг Онг од Националниот центар за заразни болести во Сингапур исто така покажа дека кај заштитната опрема на негователите, како и ходникот во домот, не е забележано присуството на вирусот.
Долго останува во фекалиите
“Кога размислуваме за начините за пренесување на корона вирусот, ова не е првото нешто што најмногу ќе ви падне на памет пред оваа студија. Очигледно, мора да се води дополнителна грижа за дезинфекција на бањата по секоја употреба, како и за темелно миење на рацете “, предупредува д-р Арон Глат, директор на болницата Маунт Синај Јужен Насау во Њујорк.
Новиот вирус очигледно долго време се задржува во фекалните материи. Затоа, ако не темелно не ги измиеме рацете и не ја дезинфицираме бањата по употреба, постои зголемен ризик од зараза, пренесува Business Insider.
Д-р Онг ги тестирал домовите на тројца заразени пациенти кои биле изолирани дома. Кај секој од нив земено е по 26 примероци од просторијата каде што минувале најмногу време, од бањата и претсобјето. Примероци биле земени и од лекарите кои ги посетувале во самоизолација.
Доказ колку е важна дезинфекцијата
Првиот пациент бил тестиран двапати – на четвртиот и десеттиот ден од болеста. Тестовите биле направени по чистење на наведените простории и покажале негативен резултат.Просториите и на другиот пациент биле тестирани два дена по дезинфекцијата и биле исто така негативни на корона вирусот.
Меѓутоа, кај третиот пациент земени се примероци пред чистење, а тестирани се и неговите примероци од столицата, кои биле позитивни на вирусот. Д-р Онг вели дека вирусот е пронајден во три од пет места во тоалетот, додека загадување немало во ходникот.
„Ризикот од пренесување од контаминирани обувки е многу мал, како што покажаа и нашите резултати, но исто така имаме јасен доказ дека редовната лична хигиена како и одржувањето на хигиената во бањата по секоја употреба е многу важна“, вели др. Онг.
