Колку повеќе патувате и запознавате нови култури, сфаќате дека традицијата и културата на една земја е тесно поврзана со храната. Вкусовите, комбинациите и намирниците варираат во зависност од поднебјето и навиките на луѓето.
Иако македонската кујна е далеку позната и е едно од главните одбележја на нашата земја, сепак секогаш претставува големо освежување вкусувањето на нешто поразлично, нетипично, а сепак адаптирано за овие простори.
Свинско со карфиол
Во центарот на градот на само една минута пешачење од Соборниот храм, позади Домот на градежници се наоѓа токму таков ресторан, кој кога ќе го посетите ќе се почувствувате како да сте отпатувале некаде далеку, уживајќи во совршената симбиоза од вкусови и мириси на кинеската храна.
Во кинескиот ресторан „Ѕвезден океан“ можете да уживате во здрава, вкусна и квалитетна кинеска храна која е дел од традицоналната северно кинеска кујна.
Особено интересно е тоа што менито на овој ресторан постојано се зголемува со одлични специјалитети кои ги водушевуваат посетителите. Тука ќе ги најдете најневообичаените комбинации кои не може да ве остават рамнодушни.
Во изобилието од вкусови и ароми, покрај добропознатите специјалитети во кои досега уживаме, отсега имате можност да пробате нови здрави и вкусни специјалитети.
Брокула со ракчиња
Љубителите на морската храна особено ќе уживаат во комбинацијата на брокула и ракчиња, или пак, риба со зеленчуци надополнети со специјален зачин.
Риба со зеленчуци со специјален зачин
Доколку преферирате месо, вкусете го специјалитетот свинско со карфиол, а сите оние кои уживаат во дегустацијата на нешто поинакво и поразлично мора да го вкусат лутиот ориз со брокула и кинески печурки.
Лут ориз со брокула и кинески печурки
Одлична здрава чинија е и коренот од лотус со телешко место. Коренот од лотус е нешто ново на нивното мени, тој е диетален зеленчук, а неговиот крцкав вкус и декоративна шара дава уметност на јадењата. Тој е дел од кинеските специјалитети веќе 1000 години и е макробиотски лек и го подобрува расположението на природен начин.
Откако ќе уживате во оброкот, за летните денови изберете ја овошната салата од специјално избрани свежи и сочни плодови.
Летна овошна салата со краставица и банана
Цените на најновите специјалитети се промотивни со намалување од – 30%, а новиот шеф на кујната во „Ѕвезден океан“ ќе се погрижи да доживеете вистинско гастрономско уживање и да посакате овој ресторан да биде дел од вашето дневно мени.
