Варените или потпечени тестенини честопати се наметнуваат како логичен избор за оброк во ова брзо темпо на живот, а уште кога ќе додадеме вкусен сос од брокула и туна, добиваме брз оброк кој ќе не засити.
За здрава варијанта доволно е обичната тестенина да ја замените со интегрална или онаа од хељда, да користите брокула варена на пареа, како и конзервирана туна во саламура (вода) наместо во масло.
Состојки:
(за 4 особи)
- 400 гр кратки тестенини
- 1 парче брокула
- 160 гр туна од конзерва
- 2 чешниња лук
- 50 гр рендано сирење
- 3 лажички маслиново масло
- 2 лажички сок од лимон
- сол
- бибер
Подготовка:
- Измијте ја брокулата, раздвојте ја на цветови и варете на пареа (околу 7-8 минути)
- Исцедете ја туната, лукот исечкајте го
- Во поголем лонец ставете вода, кога ќе почне да врие, додадете лажичка сол и ставете ги тестенините
- Гответе според упатството на пакувањето на тестенините
- Загрејте подлабоко тавче, додадете маслиново масло и сечкан лук, по една минута додадете ја варената брокула, малку посолете и побиберите, па залијте со лимонов сок
- Додадете ја исцедената туна и промешајте со кутлача
- Залијте со малку вода во која се вари тестенината
- Сварените тестенини исцедете ги, оставете околу 100 мл вода и ставете ги тестенините во тавчето со брокула и туна
- Измешајте и залијте со водата каде што се вареле тестенините и додадете половина изрендано сирење
Добар апетит!
