Фармерките се дефинитивно први на листата кога станува збор за секојдневната облека, бидејќи се шијат во кроеви и нијанси така што секоја жена може да го пронајде идеалниот модел за себе. Но, постои еден модел на панталони кој може да ги тргне фармерките од тронот, а тоа се широките панталони со висок струк.
Овие панталони имаат толку предности што ќе посакате да имате барем еден пар во вашиот плакар. Феноменално се вклопуваат во секој стил, исто така и одлично одговараат со рамни обувки, но и со високи потпетици.
Бидејќи се прават од различни материјали, може да изберете и парчиња за на работа со класични материјали, но и поелегантни ткаенини за свечени пригоди, како свила или сатен.
Толку се популарни што се прават во најразлични бои и дезени, од еднобојни, преку светкави до нежни цветни дезени, прилагодени секоја жена да може да го најде посакуваниот модел.
Сепак, најголемата предност на широките панталони со длабок струк и причина број еден поради која секоја жена ги обожава е фактот дека ги издолжуваат нозете и целата фигура, а притоа одговараат на секоја градба на тело одлично!
