Еднаш ѓаволот некако решил да ги продаде сите инструменти од својот арсенал. Уредно ги поставил во витрина за да можат да ги видат сите.
Колекцијата била импресивна: Тука се наоѓал блескавиот бодеж на Зависта, а покрај него се наоѓала завртката на Гневот, на другата полица лежел лакот на Жедта, покрај него живописно биле наредени отровните стрели на Похотата и Љубомората.
Тука било и оружјето Страв, Гордост и Омраза, а на сите стоела етикета за името и цената.
На најубавата полица, одвоена од сите инструменти, се наоѓал мал и наизглед неуреден дрвен клин на кого пишувало име – Рамнодушност. Зачудувачко е тоа што цената на овој инструмент била највисока од сите останати заедно.
Еден минувач го прашал ѓаволот зошто е толку висока цената на тој чуден клин.
-Го ценам повеќе од се, – одговорил ѓаволот – затоа што тоа е единствениот инструмент во мојот арсенал, на кој можам да се потпрам, ако сите откажат.
И тој нежно го погали дрвениот клин.
-Ако ми успее да го забијам тој клин во човековата глава, – продолжи ѓаволот, – тогаш тој ми ја отвора вратата за сите останати инсрументи…
