Пронајдете го вашиот внатрешен компас и фокусирајте се на она што сакате да го постигнете и што сакате да станете. Веруваме дека сите во еден момент рековме: „Одам од први во теретана!“ Или – следната година ќе живеам поздраво, нема толку да се нервирам, ќе имам повеќе време за себе. И тогаш годината поминува, а ние – на истото!
Па можеби оваа година би можеле да смениме нешто веднаш. Нема повеќе одлуки, туку само намери. Конкретно и право кон целта! Од една страна, 2020 година беше различна од сите претходни години. Иако многу стресна, тоа нè натера да забавиме и да се посветиме. Да научиме да го цениме она што го имаме, да го цениме мирот, семејството, пријателите. Спиевме, одмаравме, научивме многу работи за кои претходно немавме време. Па, зошто да не ја пренесеме оваа традиција во оваа, 2021 година?
Да се соочиме, ниту овој вирус не може да трае вечно. Животот ќе се врати во нормала, како и излегувањето, ноќните клубови, кафулињата, прославите, работните места, училишта..
Сепак, едно нешто што нè учи пандемијата е дека животот е скапоцен и никогаш не знаеме кога ќе ни истече времето. Можеби звучи како нихилизам, па дури и песимизам, но тоа не мора да е така. Знаејќи дека смртта е единствената сигурна работа што ја имаме во животот може да нè охрабри да бидеме поприсутни и да живееме целосно во времето што го имаме. Па, што сакате од овој живот? Во ред е што сè уште не го знаете тоа. Наместо резолуција, 2021 година може да биде годината кога ќе имате намера. Пронајдете го вашиот внатрешен компас и фокусирајте се на она што сакате да го постигнете и кој сакате да станете. Потоа бидете фокусирани на тој исход и одете во таа насока секој ден во 2021 година.
Ќе има моменти кога ќе се сопнете и моменти кога треба само да направите пауза – што, како што научивме минатата година, е совршено прифатливо. Чекор по чекор до целта, сè со намера конечно да станете личност каква што отсекогаш сте сакале да бидете.
