Бебешката пудра е еден од најдобрите производи за нега на кожата на малите деца, но таа нуди и големи придобивки и за мајките. Овој производ може да ви заврши голема работа при шминкањето, но и при третманите за убавина кои знаеме дека ги обожувате.
Бебешка пудра како замена за шампон за суво миење
Сигурно досега сте се нашле во ситуација да немате време да ја измиете косата поради разни обврски. Во овој случај бебешката пудра е идеално решение за суво миење на косата, бидејќи ги впива нечистотиите, а косата на крај изгледа чисто и здраво. На темето нанесете малку од бебешката пудра, но бидете внимателни добро да го истриете за да не се забележува. Секако, ова е краткотрајно решение пред добро да ја измиете косата со соодветен шампон.
Го зголемува волуменот на трепките
Тенките и ретки трепки се еден од честите проблеми со кои се соочува жената без оглед на маскарата. Пред да ја нанесете маскарата, внимателно со прстите нанесете малку од бебешката пудра, па по неколку минути ставете и од маскарата. Ќе бидете задоволни од густината и волуменот на трепките.
Ја смирува кожата и иритацијата
Сосема нормално е бебешката пудра да помага во заздравување на кожата од разни иритации и благи оштетувања. Овој производ е добар и за смирување на акните, а можете да го нанесете откако добро ќе го исчистите лицето со препорачаното средство. Бебешката пудра ќе ја смири вашата кожа и по депилацијата или бричењето.
Задржување на шминката
Со оглед на тоа што бебешката пудра ги впива маснотиите, добро е да нанесете малку по шминкањето. Со четката за пудра во прав, нанесете многу тенок слој од бебешката пудра за шминката да се задржи на место. Исто така, пред да нанесете кармин, на усните ставете тенок слој бебешка пудра која ќе овозможи долготрајност на карминот.
