Како би изгледале жените кога би владееле со светот
Во рамките на Париската модна недела, француската модна куќа Диор ја претстави колекцијата од високата мода која беше пречекана со воодушевување и громогласен аплауз.
Исклучително женствените креации беа инспирирани од грчките божици помеѓу кои доминираше палета од нијанси во боја на старо злато, украсени со светликави детали, реси, и лелеави материјали. Специјална улога имаа и префинетите материјали како свила и брокат кои беа заслужни за тоа оваа колекција да се вброи во една од највпечатливите и најдобри колекции за оваа сезона.
Додека моделите носеа фризури инспирани од античкиот грчки стил, невозможно беше присутните за миг да не се почувствуваат како да отпатувале назад во времето и пред нив оживеала митологијата.
