Иако најголемо внимание привлече венчаницата, критичарите се позанимавале и со нејзината фризура, шминка и останати детали поради кои Меган изгледа поинаку од сите претходни принцези.
Меган Маркл и принц Хари, стапија во брак на 19. мај 2018. година и со тој чин станаа војводата и војвотката од Сасекс. Меган избра фустан од британската креаторка Клер Вајт Келер, која е уметнички директор на француската модна куќа „Живанши“ и јавноста веќе почна да ја осудува како премногу едноставна за кралска венчавка и дека не успеала да ја засени Кејт Мидлтон.
Вкусовите секако се различни, но тоа што мора да се признае е дека британската дизајнерка дизајнирал скромен, но исклучително софистициран фустан достоен за една принцеза. Целокупниот изглед го заокружи велот од пет метри и дијамантската тиара на кралицата Мери која совршено и прилегаше на идната војвотка.
За продолжението на прославата Меган се одлучи за полежерен фустан без ракави која ја потпишува Стела Макартни во која изгледаше како потполно модерна принцеза. Освен големото внимание кое го привлекоа венчаниците, медиумите не можеа да не ја прокоментираат и шминката и фризурата кои беа потполно спротивни на кралските очекувања.
Досега беше обичај припадничките на кралското семејство да носат пуштена коса, а Меган избрала ниска пунџа со неколку пуштени прамени коои паѓаа на нејзиното лице. Оваа фризура е заштитен знак за неа во последниве неколку месеци, а природната шминка ја заокружи нејзината убавина и ја направи да изгледа како вистинска принцеза.
