Идеално време да ги искористите сите благодети кои малината ги има во себе. Ова овошје е преполно со придобивки, како за организмот така и за кожата на лицето.
Малината е богата со витамин Б и биофлавоноиди кои го успоруваат процесот на стареење, ја забрзуваат циркулацијата и ја прават кожата млада и свежа. Со оваа маска лицето ќе биде свежо, а со редовна примена квалитетот на кожата значително ќе се подобри.
Потребни состојки:
- неколку малини
- 1 лажица мед
- 1 лажица павлака
Изгмечете ги малините со вилушка и помешајте ги со двете останати состојки и тоа е сѐ, маската е подготвена. Нанесете ја на исчистено лице, врат или деколте во дебел слој и оставете ја на лицето околу 20 минути. Потоа измијте го лицето и нанесете хидратантна крема.
