Новиот тренд кој прво се прослави на модните писти кај ревиите на познатите модни куќи вклучува неутрална шминка, односно шминка која ги содржи природните бои на лицето.
Основата на шминката – подлогата и пудрата се користат во иста нијанса на природниот тен на лицето. Руменилото се нанесува на пределите на јаболкниците каде најчесто заруменуваат природно. На усните исто така се нанесуваат кармини и сјаеви во бојата која ја имаат. Што се однесува на очите, се користат сенки во земјени топли нијанси на беж, шампањ, кафеава и златна.
Овој вид на шминка е идеален за секакви прилики поради тоа што е минималистички и изгледа свежо и младо, и што е најважно одговара на секого.
