„Не верувам во неуспех. Ако уживате во патување, неуспехот не постои“.
Со години, таа го градела својот сопствен пат на успехот, поминала многу пречки и трагични животни ситуации, а денес Опра Винфри се смета за една од највлијателните жени во светот.
Опра Винфри ја стекна својата слава како водителка на Шоуто на Опра Винфри, но таа е исто така е и продуцентка, актерка и врвен мотивациски говорник кој знае како да ги сподели своите животни лекции со другите и да ги открие тајните за успех и среќен живот.
Во едно јавно обраќање, Опра Винфри откри дека за чинот на успех потребно е да се пронајдете и разберете себеси. Односно, да станете свесни за вашите таленти, способности што ги имате и во што сте најдобри.
Според неа, постојат 3 важни чекори за успех:
Чекор 1: Секогаш бидете свесни зошто правите нешто. Правете само работи во кои пронаоѓате длабоко значење.
Чекор 2: Пронајдете ги во себе своите автентични таленти и како треба да ги искористите. Тие се дарови на Универзумот и искористете ги значајно во активности што ве приближуваат до успехот.
Чекор 3: Бидете си самите приоритет. Ако секогаш се ставате на последно место, никогаш нема да ги реализирате целосно своите намери. Добро е да се грижите за другите, но почнете да се грижите повеќе за себе. Со негување на вашата душа, тело и мудрост, стекнувате доверба и подготвени сте да ризикувате и да се борите со новите животни битки.
