Задоволниот живот доаѓа кога отфрлате две работи, кога ги отфрлате оние работи што не можете да ги достигнете и кога ги отфрлите нештата што сте ги надминале. Колку побрзо се откажете од желбите што не можат да станат ваша реалност, толку побрзо ќе го пронајдете вашиот мир.
Немојте да се залажувате бидејќи има работи што се над нашата реалност поради некои надворешни и внатрешни влијанија и е залудно да си го трошите животот на нешто за кое на крајот би сфатиле дека е само невозможна мисија. Отфрлете ги работите што сте ги надраснале, отфрлете ги копнежите што ве враќаат во маѓепсаниот круг на истите чувства што не ви се потребни, работите по кои се чувствувате истрошени и бедни затоа што сте свесни дека можете подобро и заслужувате подобро. Отфрлете го задоволството со минимум затоа што на крајот ќе се запрашате зошто вашите таленти останаа нереализирани, а вашите способности занемарени. Отфрлете ги лажните можности што не ве водат никаде затоа што ќе заглавите во светот во кој не сакате да живеете.
Не одете под, туку над своите граници затоа што животот ќе го претворите во вечна мака. Пронајдете ја својата мерка, откријте го вашиот глас, препознајте што ве исполнува и е дел од вашето секојдневие. Не треба да одите до крајот на светот за да доживеете просветлување, да почувствувате исполнетост, доволно е да се запознаете себе си, не само веќе откриената страна што им е позната на сите, туку и скриената страна од која бегате, а кога ќе ја откриете станувате свесни за тоа. Живееме во свет на безброј неважни работи, нè замараат многу неважни луѓе секој ден, ни се нудат еден куп неважни настани секој ден и сето ова се бори за трошки од вниманието во нашите животи, сака да ни го украде времето, енергијата и да се храниме со тоа, а нашиот живот е ограничен. Живееме во свет кој сме го надминале, а сепак живееме под неговите граници. Да се ослободиме од непотребното и да препознаеме што прави разлика во нашите животи, само тогаш ќе дојдеме до исполнет живот.
