Рускиот фотограф, новинар и социјален работник Дмитри Марков е познат по неговите нефилтрирани фотографии за животот во Русија, особено животот на оние кои не се многу богати. Фотографот објаснува дека сака да ја фотографира грдата страна на животот бидејќи се смета себеси за дел од неа. Пола од луѓето кои ги фотографира, ги знае лично, и тоа се гледа, бидејќи сликите имаат елемент на интимност.
Роден во Пушкин, со моментално живеалиште во Псков, авторот има работено како социјален работник, со фокус на младинските проблеми, и има волонтирано во сиропиталиште 7 години, каде што започнал да фотографира дел од овој живот. Нажалост, некој таму му го украл фотоапаратот, па одлучил да почне да фотографира со својот телефон. Вика дека не се грижи за квалитетот на сликите, дека кога би знаел како, рачно би ги цртал ситуациите.
Неговите структурално силни фотографии ни покажуваат длабока, реална ситуација, и не’ прават да се чувствуваме како да го гледаме она што е претставено со наши очи.
