Еден од нашите најталентирани диџеи и продуценти Галоски, кој стекна светска слава покрај добро познатите Мартин Гарикс, Тиесто, Дејвид Гета, Ники Ромеро кои го подржаа во својата музика, денес може да се пофали како единствениот македонски диџеј во топ 10 листата највртени денс песни во моментот.
За овој супер успех дознаваме од неговата објава на социјалните мрежи каде тој самиот изјави дека е голема чест да се биде помеѓу најголемите светски музички имиња.
Истовремено, пред само неколку дена, односно на 11 септември (2020година) го објави својот нов сингл ”Want you back”, кој му загарантира сигурен успех на топ 10 листата.
Нашиот најпознат диџеј изгради успешна кариера позади себе со настапи ширум светот, како на големи реномирани фестивали, така и во најпознати и најголеми клубови на неколку континенти. Неговото име беше слушнато на добро познатиот Ултра Мјузик Фестивал во Сингапур, Си Денс Фестивал, Охрид Колинг итн. Неговата музика беше поддржана од светските познати диџеи како и вклучена во нивната плејлиста.
Среќа е ваков успех и среќа е да се има ваков талентиран диџеј во нашата земја. Тимот на среќа.мк со големи честитки и поддршка за Диџеј ГАЛОСКИ!
Проследете дел од атмосферата на минатогодишните настапи на ГАЛОСКИ.
