Секое девојче сака дрво од бајките во својата соба, па овој кандидат за супер татко и Reddit корисник решил да и ја оствари оваа желба на својата ќерка.
Тој потрошил преку 350 часа во текот на 18 месеци, за да го изгради овој магичен проект кој го чинел 4.250 долари.
Дрвото од бетон е толку цврсто што може да издржи дури и тројца возрасни луѓе.
Таткото, кој на Reddit се користи со прекарот “radamshome”, е уметник во индустријата за видео игри, а вели дека најголемиот страв откако ја изградил оваа структура е дека еден ден ќерка му ќе наполни 13 години и ќе сака дрвото да биде отстрането.
Но, сега за сега таткото има предност во изборот за најтатко за 2016 година, а како изгледа оваа соба од бајките, погледнете на фотографиите.
