Овој модел инспирира сите да ги надминат несигурностите и да се прифатат себе си.
Моделот Ниа Петит е дел од кампањата на брендото Aerie, а позирајќи во костим за капење таа не ги крие акните на својот грб и стриите, баш напротив со насмевка на лице позира, свртувајќи го вниманието на нејзината енергија за разлика од „несовршеностите“ кои се секојдневие кај секоја жена.
American Eagle и неговиот подбренд Aerie во нивните рекламни материјали се почесто имаат неретуширани модели, а тоа наиде на пофалба и позитивно влијание на моделите, како и на нивните потрошувачи.
Моделот Ниа во пост на инстаграм ја раскажува нејзината лична приказна, како се борела со акните од најмала возраст „Секогаш се срамев од мојата кожа и ја покривав со шминка“ раскажува таа, „Сега, покрај се тоа ќе бидам низ цела Америка со моите линии љубов“.
Кога Aerie и понудиле на Петит да работи со нив таа била нервозна, знаела дека тие не ги обработуваат фотографиите на моделите и била несигурна околу своите несовршености. Раскажува како постојано се извинувала за нејзините акни и стрии, но тимот со кој работела ја увериле дека тоа е нормално и нема од што да се срами.
По објавувањето на фотографиите добила многу пораки од девојки на кои им влијаела да облечат бикини и да не се срамат од своето тело, вели дека особено среќна што имала позитивно влијание во животот на многу луѓе, а се надева дека и многу други ќе имаат храброст да го сторат тоа.
