Високите температури не се пријатни за никој, а особено не се пријатни за најмладите, за постарите и за оние со здравствени проблеми.
Што вие како родители може да направите вашето малечко да се чуствува полесно во овие горештини.
Најдобро е да биде во климатизирана просторија, а климата се препорачува да биде со регулатор за топлина и за влажност на воздухот.
Не ја намалувајте нагло температурата, тоа правете го постепено.
Идеалната температура е 22 степени Целзиусови, но сепак тоа зависи и од надворешната температура. Погрижете се да нема драстични разлики. Додека влажноста на воздухот е препорачлива од 40 – 60 %.
Воздухот од климата никако да не биде насочен кон бебето.
Освежувачки туш или бањање се препорачува на неколку часа. Не го сушете целосно, оставете ја водата да испари сама, на тој начин се активира излезната топлина.
Климата го суши воздухот, па затоа е добро од време на време да отварате да се проветри и да се измеша воздухот.
Давајте му на вашето малечко многу течности, прилагодени во зависност од возраста. Тоа може да биде вода, природен сок или хербален чај. Не го присилувајте да пие, понудете му, бебето знае колку му е доволно.
