Оваа мајка опишала како нејзиното бебе се заразило со коронавирусот со цел да им помогне на родителите и да им објасни како Covid-19 се манифестирал на нејзиното дете.
„Нашето бебе има само седум недели и беше тестирано на што се покажа позитивно на коронавирусот“ – изјави Тони Роудс на својот фејсбук профил.
Детето помина неколку денови во болница а сега со родителите се наоѓа во изолација.
Тони порача дека нејзината порака е добронамерна и не сака да крева паника кај мајките, само да ги информира и да им помогне.
„Куртис не сакаше да јаде повеќе од 12 часа и често плачеше во текот на ноќите, особено последните два дена. Тој секогаш јаде во текот на ноќта. Потоа утредента забележавме дека има флеки на кожата и дека очите му се отечени и црвени. Киваше и кашлаше слабо, но и понатаму беше поспан и не сакаше да јаде.
Лекарот воочи дека има температура и забрзано чукање на срцето, па заклучи дека е во прашање сепса.“ – изјави мајката.
Our 7 week old baby has tested positive for coronavirus. He spent a couple of days in hospital and we are now at home…
Gepostet von Toni Rhodes am Donnerstag, 26. März 2020
„Му дадоа антибиотици и моравме да останеме 48 часа во болница. Беше тестиран и на коронавирусот, но моравме да ги чекаме резултатите. После неколку денови ни се јавија дека резултатот е позитивен.
Во текот на ноќите и понатаму не јаде, а наутро се однесува вообичаено како и секогаш. Грлото му е малку суво, нервозен е, но иначе е се во ред. Откако дојдовме дома не му беше потребна никаква терапија.“
Мајката исто така сподели дека бебето е сега во добра состојба. Симптомите покажале на минлива прелада и биле доста лесни. Веќе по првиот ден температурата почнала да опаѓа.
„Сите знаеме дека постојат многу малку информации за бебињата и нивната реакција на овој вирус, па сакав да го споделам нашето искуство со вас. На сите нас ни е потребна поддршка.
Ја споделуваме оваа приказна со цел да им покажеме на родителите да не се вознемируваат многу. Оваа порака е позитивна и е со цел да ја подигне свеста кај луѓето.“
