Пронајдете време за живот, време за да ги славите неговите убави нешта а во светот околу нас навистина ги има премногу.
Секогаш се успева да се пронајде време за критикување, барање влакно во јајце, оговарање и приговарање, но ретко кога човек застанува да се заблагодари на она што е добро во неговиот живот. Време е да тргнете во потрага по нови цели, остварувања, и нешта кои ќе ве изненадат.
Пронајдете време за добар живот, време за да ги откриете чудата околу нас. Многу од тие возбудливи активности кои можете да ги направите сега, ќе ви понудат незаборавни искуства. Како очекувате да откриете нешто ново и фасцинантно ако не сакате да вложите во истото?
Пронајдете време за убав живот, време да се борите за нештата кои ве радуваат и ги сакате, за соништата кои ве придвижуваат. Со негрижата тие само ќе ви се лизнат од раце. Колку нешта би се случиле само кога би имале храброст да ги побараме, да веруваме дека се возможни, да сметаме дека сме заслужиле подобро од она што го поседуваме.
Секогаш наоѓајте време за хоби, различни активности кои ве прават да уживате, на вашата душа и треба нешто убаво кое ќе ја развесели и во најмрачните мигови.
Пронајдете време за едноставен живот, немојте да го трошите времето размислувајќи за тоа кој е зад вас, создавајте нови спомени.
Кога ќе пронајдете време за себе ќе сфатите колку всушност животот е краток и нема никогаш повеќе да сакате да го трошите на помалку вредни нешта.
